Գարուն

Գարունը կարծես դժկամորեն, բայց անխուսափելիորեն մուտք է գործում Երևան: Անձրևում է ամեն օր, իսկ մարզերում նույնիսկ ամենաձմեռային ձմեռ է: Երեկ փակվել էին ճանապարհները Տաշիրից Երևան: Այս առավոտ արևի համեստ ճառագայթներն էլ բավական են, որ նկատես նոր բողբոջներն ու ծաղկունքից հևացող սակավաթիվ ծառերը:

Սա էլ իմ լավ ընկերներից մեկի ձոնն առ գարուն:-)

***

Սպիտակ անձրևի կաթիլները զարդարում են կանաչը նորահաս,
Լուսաբաց է: Կարմրում են մեղմիկ ճյուղերը բարդու սիրահար:
Սիրահար` մովին քնկոտ պարսերի
Հողածին, փթթող մանուշակների:

Հարբում են դանդաղ ծվեններն երկնի
Բոսորագույն արեգակից
Ու փորձում թաքցնել ցավը գիշերվա
պայծառ առկայծող մանուշակներից:

Կաթիլներն սպիտակ մեկնում են երկինք,
Կապույտը անվերջ հաղթում է կարմրին,
Բարդին սիրավառ բողոբոջում է տաք`
Կանաչի թագը տալով կապույտին…

Իսկ թագից կանաչ բուրում էր մովը մանուշակների: